Chaupai Sahib in Hindi

चौपई साहिब

ੴ

स्री वाहिगुरू जी की फतह ॥

पातिसाही १० ॥

कबयो बाच बेनती ॥ 

चौपई ॥

हमरी करो हाथ दै रछा ॥ पूरन होइ चित की इछा ॥

तव चरनन मन रहै हमारा ॥ अपना जान करो प्रतिपारा ॥१॥

हमरे दुसटसभै तुम घावहु ॥ आपु हाथ दै मोहि बचावहु ॥

सुखी बसै मोरो परिवारा ॥ सेवक सिखयसभै करतारा ॥२॥

मो रछा निजु कर दै करियै ॥ सभ बैरिन कौ आज संघरियै ॥

पूरन होइ हमारी आसा ॥ तोर भजन की रहै पयासा ॥३॥

तुमहि छाडि कोई अवर न धियाऊं ॥ जो बर चाहों सु तुमते पाऊं ॥

सेवक सिखय हमारे तारीअहि ॥ चुनि चुनि सत्रहमारे मारियहि ॥४॥

आप हाथ दै मुझै उबरियै ॥ मरन काल का त्रास निवरियै ॥

हूजो सदा हमारे पछा ॥ स्री असिधुज जू करियहु रछा ॥५॥

राखि लेहु मुहि राखनहारे ॥ साहिब संत सहाइ पियारे ॥

दीन बंधु दुसटन के हंता ॥ तुमहो पुरी चतुर दस कंता ॥६॥

काल पाइ ब्रहमा बपु धरा ॥ काल पाइ सिवजू अवतरा ॥

काल पाइ करि  बिसन प्रकासा ॥ सकल काल का कीआ तमासा ॥७॥

जवन काल जोगी सिव कीओ ॥ बेद राज ब्रहमा जू थीओ ॥

जवन काल सभ लोक सवारा ॥ नमसकार है ताहि हमारा ॥८॥

जवन काल सभ जगत बनायो ॥ देव दैत जछन उपजायो ॥

आदि अंति एकै अवतारा ॥ सोई गुरू समझियहु हमारा ॥९॥

नमसकार तिसही को हमारी ॥ सकल प्रजा जिन आप सवारी ॥

सिवकन को सवगुन सुख दीओ ॥  सत्रुन को पल मो बध कीओ ॥१०॥

घट घट के अंतर की जानत ॥ भले बुरे की पीर पछानत ॥

चीटी ते कुंचर असथूला ॥ सभ पर क्रिपा द्रिसटि करि फूला ॥११॥

संतन दुख पाए ते दुखी ॥ सुख पाए साधन के सुखी ॥

एक एक की पीर पछानै ॥ घट घट के पट पट की जानै ॥१२॥

जब उदकरख करा करतारा ॥ प्रजा धरत तब देह अपारा ॥

जब आकरख करत हो कबहूं ॥ तुम मैं मिलत देह धर सभहूं ॥१३॥

जेते बदन  स्रिसटि सभ धारै ॥ आपु आपनी बूझ उचारै ॥

तुम सभ ही ते रहत निरालम  जानत बेद भेद अर आलम ॥१४॥

निरंकार न्रिबिकार न्रिलंभ  ॥ आदि अनील अनादि असंभ  ॥

ता का मूड़्ह उचारत भेदा ॥ जा कौ भेव न पावत बेदा ॥१५॥

ता कौ करि पाहन अनुमानत ॥ महां मूड़्ह कछु भेद न जानत ॥

महादेव कौ कहत सदा सिव ॥ निरंकार का चीनत नहि भिव ॥१६॥

आपु आपुनी बुधि है जेती ॥ बरनत भिंन भिंन तुहि तेती ॥

तुमरा लखा न जाइ पसारा ॥ किह बिधि सजा प्रथम संसारा ॥१७॥

एकै रूप अनूप सरूपा ॥ रंक भयो राव कही भूपा ॥

अंडज जेरज सेतज कीनी ॥ उतभुज खानि बहुर रचि दीनी ॥१८॥

कहूं फूलि राजा ह्वै बैठा ॥ कहूं सिमटि भयो  संकर इकैठा ॥

सिगरी स्रिसटि  दिखाइ अचंभव ॥ आदि जुगादि सरूप सुय्मभव ॥१९॥

अब रछा मेरी तुम करो ॥  सिखय उबारि असिखय संघरो ॥

दुसट जिते उठवत उतपाता ॥ सकल मलेछ करो रण घाता ॥२०॥

जे असिधुज तव सरनी परे ॥ तिन के दुसट दुखित ह्वै मरे ॥

पुरख जवन पग परे तिहारे ॥ तिन के तुम संकट सभ टारे ॥२१॥

जो कलि कौ इक बार धिऐहै ॥ ता के काल निकटि नहि ऐहै ॥

रछा होइ ताहि सभ काला ॥ दुसट अरिसट टरें ततकाला ॥२२॥

क्रिपा द्रिसटि तन जाहि निहरिहो ॥ ताके ताप तनक महि हरिहो ॥

रिधि सिधि घर मो सभ होई ॥ दुसट छाह छ्वै सकै न कोई ॥२३॥

एक बार जिन तुमै संभारा ॥ काल फास ते ताहि उबारा ॥

जिन नर नाम तिहारो कहा ॥ दारिद दुसट दोख ते रहा ॥२४॥

खड़ग केत मै सरणि तिहारी ॥ आप हाथ दै लेहु उबारी ॥

सरब ठौर मो होहु सहाई ॥ दुसट दोख ते लेहु बचाई ॥२५॥

क्रिपा करी हम पर जगमाता  ग्रंथ करा पूरन सुभ राता ॥

किलबिख सकल देह को हरता दुसट दोखियन को छै करता ॥ २६॥

स्री असिधुज जब भए दयाला पूरन करा ग्रंथ ततकाला ॥

मन बांछत फल पावै सोई  दूख न तिसै बिआपत कोई ॥२७॥

अड़िल ॥

सुनै गुंग जो याहि सु रसना पावई सुनै मूड़ चित लाइ चतुरता आवई ॥

दूख दरद भौ निकट न तिन नर के रहै  हो जो याकी एक बारचौपई को कहै ॥

चौपई ॥

स्मबत स्त्रह सहस भणि्जै  अरध सहस फुनि तीनि कहिजै ॥

भाद्रव सुदी अशटमी रवि वारा  तीर सतुद्रव ग्रंथ सुधारा ॥

स्वैया ॥

पांइ गहे जब ते तुमरे तब ते कोऊ आंख तरे नही आनयो ॥

राम रहीमपुरान कुरान अनेक कहैं मत एक न मानयो  ॥

सिम्रित सासत्र बेद सभै बहु भेद कहैं हम एक न जानयो ॥

स्री असिपान क्रिपा तुमरी करि मै न कहयो सभ तोहि बखानयो ॥

दोहरा ॥

सगल दुआर कउ छाडि कै गहिओ तुहारो दुआर बांहि गहे की लाज अस गोबिंद दास तुहार ॥

सगल दुआर कउ छाडि कै गहिओ तुहारो दुआर बांहि गहे की लाज अस गोबिंद दास तुहार ॥

वाहेगुरु जी का खालसा ॥  वाहेगुरु जी की फतेह ॥

Click here - Download Chaupai Sahib in Hindi PDF file

चौपई साहिब फास्ट

Chaupai Sahib fast version

 

subscribe Karen hamara YouTube channel